الرئيسية / عبارات عبارة / عبارات عن التغيير

عبارات عن التغيير

عبارات عن التغيير

عبارات عن التغيير  عبارات عن التغيير
(هيراقليطس)

بصراحة المقوله دي عجبتني اوي صح 100%

علينا ان نكون نحن التغيير الذي نود رؤيته في العالم

(غاندي)

مش عارفة ليه حسيت من المقوله دي انها لازم تكون هدف لكل واحد فينا

خصوصا اننا افكارنا فيها اعتراضات كتير على الواقع اللي حوالينا

ولازم نسعى احنا بالذات اننا نغيره

الضروري لتغيير انسان هو ان تغير فكرته عن نفسه

(ابراهام ماسلو)

بصراحة انا جربتها مع واحدة صاحبتي كانت رافضة تماما انها ممكن تعمل حاجة وفاقدة الامل ف نفسها

بس غيرت فكرتها عن نفسها وعرفتها القدرات اللي عندها واللي تقدر تعمله بيها والحمد لله لقيتها اتحسنت نفسيا نوعا ما

بس مش بقيت بتابعها زي الاول للاسف بس المقوله فكرتني بيها

التغيير عنيد كالزمن ، ومع هذا فلا شيء يقابل بالمقاومة اكثر منه

(بنيامين دزرائيلي)

مشكلتنا اننا نكره التغيير ونحبه في نفس الوقت ، فكل ما نريده هو ان تظل الاشياء كما هي ولكن تكون افضل

(سيدني هاريس)

وقتما تجد نفسك في صف الاغلبية ، فقد حان وقت التغيير

(مارك تواين)

دي بصراحة جااامدة لانها حصلت معايا برضو

هتحسس كل واحد فينا انه لازم ياخد وقفة مع نفسه ويشوف انا فين

ومحتاج اتغير او لا

او حتى من غير كده …. نقعد مع نفسنا ونشوف ايه اللي فينا غلط ولازم يتصلح

الامر ليس ان بعض الناس يمتلكون الارادة وآخرون لا يملكونها

بل ان البعض مستعدون للتغيير والآخرون لا

(جيمس جوردون)

دي كمان عجبتني وبصراحة حبيت اركز عليها عشان اوصل لهدف معين

الكلام ده معناه انه ممكن اتنين يكون عندهم ارادة بس واحد منهم مستعد يتغير للاحسن

والتاني واقف محلك سر مش عايز يغير حاجة او بمعنى راضي بحاله (انا كده كويس والحمدلله)

يعني عشان تتغير لازم يكون عندك ارادة مش عشان عندك ارادة يبقى هتقدر تتغير

من الكلام ده كمان عايزة اوصل لنقطة انك ممكن تاخد قرار خطأ في وقت خطأ ، ليه؟

عشان لجأت الي التسويف

ممكن التسويف ياخدك بعيد ووقتها مش هينفع قرارك اللي اخدته بعدها

شغلت نفسك بحاجة مش مهمة باطل يعني غير الحق المهم اللي كان المفروض انك تركز عليه حياتك ووقتك

عشان توصل لحاجة صح او حتى تغير من نفسك من الحاله اللي عليها انك تعلى احسن ما انت ثابت كده

عندك روتين كله بيتكرر كل يوم من غير اداء لواجباتك بل بالعكس انت لو كملت كده كل ما دا هتبقى ف النازل

والكلام ده بصراحة انا قولته لاني حسيت بأهميته جدا ف الاجازة دي

وخصوصا النهاردة لاني مقدرتش استغلها كويس بالرغم ان عندي الارادة ومستعدة للتغيير

الحمدلله يمكن اكون قدرت النهاردة اتغلب ع النقطة دي بس للاسف متأخر

ويمكن وقت الدراسة كنت مشغولة وحاسة اني بعمل حاجات صح وعايزة هدف

بس لما جه وقت الاجازة والفراغ الواحد حس انه مش هو او انه اتغير وبيضيع وقت موجود

وثمين المفروض يستغله وبنصحى متاخر ونسهر بالليل يعني كله غلط ف غلطا

لاني كمان في الاجازة دي كل شوية باجّل اللي ورايا واقول بكرة هعمل او هنزل بكرة

او هقرأ الكتاب ده بكرة وهكذا لحد ما هلاقي نفسي بكرة الدراسة ومش هعمل اي حاجة من اللي كنت عايزة اعمله

يعني التسويف والتاجيل هو اكتر حاجة غلط ممكن الواحد يعملها في استعلال وقته

وده لضعف اردة منك او كسل ومايصدق الشيطان ويساعدك فيه لان ده من اهدافه

اتمنى الموضوع يعجبكم

وعايزة اسمع رايكم ومناقشتكم

542 مشاهدة